انا و انت و البلوج

المكان : مكان من الاماكن.
الزمان : يو م من الايام و ساعة من الساعات.
الاشخاص : اتنين يمكن اكون منهم.

انا من وراء الكمبيوتر: انا قررت المرة دى اعمل بوست عن الاغانى.
انت من وراء الجريدة: و ماله.
انا: لا انا هاكتب قصيدة الاول.
انت: ماشى
انا: هل تريد نزالى فا
انت: ننزل نروح فين خلينا فى البيت احسن.
انا : ؟؟؟؟
انت بحذر: هو انت قلت ايه؟
انا: انا كنت هاقولك القصيدة!!!
انت: اه اه ماشى و بعدين
انا: هل تريد نزالى هل من مبارز ؟ اذا كنت تريد فاحذر فانا فى الهوي دائما منتصر
انت: انت دايما تستخدمى لغة المذكر فى كتابتك ليه؟ .
انا: ايه المشكلة يعنى ؟
انت: ابدا بس ماله المؤنث مش برضه سيادتك و احدة ست و لا انا متجوز واحد صاحبى لامؤاخذة.
انا: ثصدق بالله انك رزل؟ يعنى كل الناس بتكتب بصيغة المذكر و محدش قال حاجة.
انت: مش فاهم؟
انا: هو كل شعراء الجاهليه و غير الجاهلية مش كانوا بيكتبوا بصيغة المذكر
انت: ايوه بس دول رجالة
انا: انا قصدى كان بيخاطبوا الحبيب دائما على انه مذكر مع ان زى ما انت لسه بتقول كانوا رجالة و لا هم لامواخذة كانوا (***)
انت : ده تخريف جديد على غرار نظريتك عن المصارعة الرومانية؟
انا:لابقى كله الا دى انا متاكدة من اللى اخترع اللعبة دى كان كدة يعنى بذمتك لعبة كل اللى فيها اتنين رجالة فى وضع مخل تبقى ايه؟
انتك و ده برضة زي اغانى ام كلثوم اللى انت مصرة انها قلة ادب؟
انا: طبعا يعنى لما تقول خدني لحنانك خدنى و لا لما تقول و نقول للشمس تعالى مش قبل سنة يبقى ايه

انت : دى رومانسية ايش فهمك انتى
انا: رومانسية ايه يا استاذ اتنين بيتقابلوا بالليل و مش عايزين الشمس تطلع ليه علشان يكملوا فورة الاستيمشن يعنى ؟
انت: بقولك اية انت اللى مخك الاستقبال بتاعه مشوش جربي تفكى الرلوه ده يمكن تستقبلى الارسال اوضح شوية.
انا: و الله انت اللى خارج نطاق الخدمة اساسا



كلمة تم حذفها لمراعاة شعور البينك بلوجرز (***) -