can you guess who ? trial number 2

جالى ميسد من الواد صاحبى صحيت عليه بس مش هارد. قلت لنفسى كده و انا بقوم من السرير شعور لذيذ ان الواحد يلمس الارض و هو حافى بحس انى حرة خصوصا فى الايام الحر دى يا ساتر انا كنت هافطس امبارح بصراحة انا مش بحب الحر بيخلى الواحد كده ملزق و مش طايق نفسه . يووه انا نسيت انا كنت بقول ايه أأه الواد صاحبى رن لى و انا مش هارد عليه اصلى ماليش كيف النهاردة اتنطط معاه فى الشوارع .زهقانة شوية منه و لا منى و لا من التنطيط مش عارفة . هو مش هاين عليا اسيبه يرن بس برضه مش قادرة اندمج فى الدور صحيح هو واد لذيذ ومجنون بس على مين ده انا الذ و اجن منه ميت مرة. طب اقوم اعمل شاى كده و اشوف يمكن قلبى يحن.